ڕەحیم قازی و سەلاحەدین کازمۆف لە مەهاباد

 ڕەحیم قازی لە یونیفۆڕی ئەفسەرانی هێزی پێشمەرگەی جمهووری کوردستان لەگەڵ  ڕاوێژکاری عەسکەری ئەڕتەشی جمهووری کوردستان پۆدپۆلکنیک سەلاحەدین کازمۆف ( سەلاحەدین عیسا زادە). ئەم وێنە لە ساڵی ١٩٤٦ لە مەهاباد گیراوە. بەر لە چوونی ڕەحیم قازی بۆ ئازەربایجانی سۆڤیەت لە مانگی چواری ساڵی ١٩٤٦

کووبوونەوەی سەرانی جمهووری کوردستان و حکوومەتی میللی ئازەربایجان بە ئامادەبوونی نوێنەرانی سۆڤیەت بۆ ئیمزای پەیمانی دۆستی، سێشەمە ٣-ی بانەمەڕی ١٣٢٥/ ٢٤-ی ئاوریلی ١٩٤٦، تەورێز، بینای مەجلیسی ئازەربایجان

وێنەیەکی گرینگ لەمەڕ مێژووی مۆدێڕنی کوردستان

کۆبوونەوەی دەستەی نوێنەرایەتی کۆماری کوردستان و حیزبی دێمۆکڕاتی کوردستان بە سەرۆکایەتی پێشەوا قازیی محەمەد و ڕێبەرانی حکوومەت و فێرقەی دێمۆکڕاتی ئازەربایجان بە سەرۆکایەتی میر جەعفەر پیشەوەری لە ڕۆژی سێشەمە ٣-ی بانەمەری ١٣٢٥-ی هەتاوی بەرانبەر بە ٢٤-ی ئاوریلی ١٩٤٦ لە بینای پاڕلمانی ئازەربایجان لە تەورێز بۆ ئیمزا کردنی پەیمانی دۆستایەتی گەلی کورد و گەلی ئازەربایجان بە ئامادەیی سێ نوێنەری سەرەکی سۆڤیەت لە ئازەربایجانی خواروو و باکووری ڕۆژهەڵاتی کوردستان

ئەوانەی تا ئێستا بە تەواوی ناسراونەتەوە. لە ڕاستەوە ١- ڕەشید بەگی جەهانگیری سەرۆکی بەشێک لە عەشیرەتی هەرکی، ٢- نووری بەگی عەبباسی نەژاد سەرۆکی عەشیرەتی بەگزادەی باکووری ڕۆژهەڵات ٣- ژەنەراڵ ئەمەر خان شەریفی، ٤- حەسەن حەسەنۆڤ یەک لە سێ کاربەدەستی سەرەکی سۆڤیەت لە ئازەربایجانی خواروو ٥- پێشەوا قازیی محەمەد، ٦- میرزا ئیبڕاهیمۆڤ، دواتر سەرۆکی ئاکادێمی زانستی ئازەربایجانی سۆڤیەت و هەر وەها وەزیری فەرهەنگ. ٦- میر جەعفەر پیشەوەری، ٧- ژەنەڕال ئاغاسەلام ئاتاکیشیێڤ، ٨- میرزا عەلی شەبوستری، سەرۆکی مەجلیسی ئازەربایجان ٩ - ژەنەڕاڵ محەمەد حوسێن سەیف قازی. ڕێزی دووەم لە ڕاستەوە کەسی دووەم : سەید عەبدوڵای گەیلانی زادە،نەفەری چوارەم دوکتور سەلاموڵای جاوید.

سەرچاوە: کتێبی بیرەوەرییەکان حەسەن حەسەنۆڤ بە زمانی ڕووسی

و هەر وەها سایتی: Modern AZ

 

سێ لەو کوردانەی لە سەردەمی جمهووری دا بۆ پەروەردە نێردانە باکۆ

سەید عریز شەمزینی بەرلەوەی لەگەڵ هێزی کۆمار بکەوێ پلەی ئەفسەری حکوومەتی پادشایی عێڕاقی هەبوو و ئەو دەرەجەیەی لە هێزی کۆماریش دا پاراست. ڕەحیم سەیف قازی ش بەری ناردرانی بۆ سۆڤیەت وەزاڕەتی هێزی کوردسران دەرەجەی سەوەر(سەروان) دابوویە و بەڵگەکانی هەر لەم پێگەیە دا بڵاو کراوەتەوە. وا دیارە لە سۆڤیەت ئەو پلانە بە ڕەسمی ناسراون
 

سێ وێنەی بەشێک لە زیندانییە سیاسییەکانی دوای تێکچوونی جمهووری کوردستان لە زیندانی ورمێ (ڕەزائییە)

 لە ڕاستەوە: سەیف محەمەدی سەیدی، نەناسراوە، جەعفەری کەریمی، ماموسێنی فەتتاحی قازی، سەعید سەعیدزادە، کەریم ئەحمەدەین، نەناسراوە، سەید محەمەدی ئیسحاقی، سەید محەمەدی ئەیووبیان، نەناسراو، دانیشتوو سەید کامیل ئیمامی. زیندانی شارەبانی ورمێ ٢٦/١١/٢٥ [ یەکشەمە  ١٥ / ٢ / ١٩٤٨

                                                

سێ وێنەی بەشێک لە زیندانییە سیاسییەکانی دوای تێکچوونی جمهووری کوردستان لە زیندانی ورمێ (ڕەزائییە)

 سەید محەمەد ئیسحاقی

                         لە فەرماندە نیزامییەکانی کۆماری کوردستان لە زیندانی ورمێ لە سەرەتاکانی ساڵی ١٩٤٨  

سێ وێنەی بەشێک لە زیندانییە سیاسییەکانی دوای تێکچوونی جمهووری کوردستان لە زیندانی ورمێ (ڕەزائییە)

 

لە پشت ئەم وێنەیە نەمر سەید محەمەد ئیسحاقی یەکێک لە فەرماندە نیزامییەکانی جمهووری  کوردستان  بە زمانی
فارسی ئاوای نووسیوە: " تاریخ برداشت این عکس در ٢٥ / ١١/ ٢٦ [یەکشەمە ١٥-ی فێڤرییەی ١٩٤٨]  در زندان شهربانی رضائیە با جمعی از رفقا ... قیامی کە شدە بود ما را بی گناە متهم کردە و زندانی نمودە بودند".
لە ڕاستەوە: سەعید سەعید زادە، فەرماندەیەکی نیزامی لە ناوچەی بۆکان و سەقز، ماموسێنی فەتتاحی قازی یەک لەو لاوانەی بۆ خوێندن ناردرابووە باکۆ، سەید محەمەدی ئیسحاقی فەرماندەیەکی نیزامی لە ناوچەی میاندواو، دانیشتوو جەعفەر کەریمی، معاونی وەزاڕەتی هێزی کوردستان

ئارامگەی نەمر سەدیق حەیدەری لە شاری مەهاباد!

ئارامگەی نەمر سەدیق حەیدەری فارووقی ئەندامی دامەزرێنەری ژ.ک. و وەزیری تەبلیغات لە جمهووری کوردستان دا. مێژووی لە دایک بوون ١٢٩٢-ی هەتاوی، مێژووی کۆچی دوایی ٣٠/ ٣ . ١٣٧١ ی هەتاوی. حەیدەری لە سەردەمی کۆمار دا تەمەنی ٣٢ ساڵ بووە.